အင်တာနက်မှတဆင့် အမျိုးသမီးများအား ခြိမ်းခြောက်ငွေတောင်းမှုများ ဖြစ်ပွားလျက်ရှိ (မြန်မာ)

အားနွဲ့သူမိန်းမသား

လူထုစိန်ဝင်း ရေးသားထားသော အားနွဲ့သူမိန်းမသား ဆောင်းပါးသည် မြန်မာ အမျိုးသမီးရေးရာကို လေ့လာနေသူများအတွက် အင်မတန် အကျိုးရှိသည်ဟု ထင်မြင်ယူဆမိပါသည်။ ရေးသားထားသော အချက်အလက်များသည် ကျိုးကြောင်းဆီလျော်ပြီး သွေးထွက်အောင် မှန်ကန်ကြောင်း ထောက်ခံ ပြောကြားလိုပါသည်။ ဤဆောင်းပါးကို ဖတ်ပြီးလျှင်လည်း မြန်မာ အမျိုးသမီးနှင့် အမျိုးသား အကြား တန်းတူညီမျှမှု မရှိသည်ကိုလည်း တွေ့မြင်ရပါမည်။ ယဉ်ကျေးမှုနှင့် လူ့အသိုင်းအ၀ိုင်းမှ ချမှတ်ထားသော စည်းမျဉ်း စည်းကမ်း အတိုင်း လိုက်နာရသည်က များသည် ဟု ကျမ ထင်မြင်မိပါသည်။ ဆန်းကျယ်သော ပြဿနာ မဟုတ်သောလည်း တွေ့ကြုံခံစားရသော အမျိုးသမီးများကို သိမြင်ခံစားစေလိုပါသည်။
ပေးပို့လာသော ဝေယံဘုန်းအား အထူးကျေးဇူးတင်ရှိပါသည်။

အမျိုးသမီး ထုတ်ဝေသူ များရဲ့ စာအုပ် ရောင်းပွဲ တစ်ခု ကျင်းပမယ် ဆိုတဲ့ သတင်း တစ်ပုဒ် ဂျာနယ်တွေ ထဲမှာ ဖတ်လိုက်မိတယ်။ ဒီသုံးလေး နှစ်အတွင်းမှာ အမျိုးသမီး ထုတ်ဝေသူ တွေ ကြိုးစား ပမ်းစား လှုပ်ရှားတက်ကြွ နေကြတာ ကိုလည်း သတိပြုမိတယ်။ အင်မတန်မှကို အားရ၀မ်းသာ ဖြစ်ရပါတယ်။ နယူးစ်ဝိခ် မဂ္ဂဇင်း ထုတ်ဝေသူ ကမ္ဘာကျော် သူဌေးမကြီး “ကက်သရင်း ဂရေဟမ်” လိုပဲ အောင်မြင်မှုတွေ ရကြပါစေလို့ စိတ်ထဲမှာ အောက်မေ့ နေမိပါတယ်။

ထူးခြားတဲ့ မြန်မာအမျိုးသမီး

မြန်မာ အမျိုးသမီးများဟာ အာရှတိုက် တစ်ခုလုံးမှာရှိကြတဲ့ တခြား ဘယ်နိုင်ငံက အမျိုးသမီးများနဲ့မှ မတူတဲ့ ထူးခြားသူတွေ ဖြစ်ပါတယ်။ အာရှနိုင်ငံ အားလုံးလိုလိုမှာ အမျိုးသမီးများဟာ လူရာသွင်း မခံကြရပါဘူး။ ဒုတိယ တန်းစား လူသတ္တ၀ါများ အဖြစ် အနှိမ်ခံနေရာကချည့် နောက်ဖေးခန်းနဲ့ မီးဖိုချောင်မှာပဲ နေခွင့် ရကြပါတယ်။ တချို့ နိုင်ငံများဆိုရင် မိန်းမများကို “ကလေး မွေးတဲ့စက်” လောက်ပဲ သဘောထားပြီး ကလေးမမွေး နိုင်ရင် ယောက်ျားက နောက်မိန်းမတွေ တစ်ယောက်ပြီး တစ်ယောက် ယူလေတော့ မယားနေရာက အဆင့် လျောကျပြီး မီးဖိုချောင်ထဲမှာပဲ အခိုင်းအစေ အဖြစ်နေကြ ရပါတော့တယ်။ တချို့နိုင်ငံမှာဆို သမီးမိန်းကလေးမွေးလာ မွေးပြီးပြီးခြင်း သတ်လိုက်တဲ့ ခေတ်ကာလတွေတောင် ရှိခဲ့ပါတယ်။ မသတ်လို့ အသက်ရှင်နေရလည်း ၉ နှစ် ၁၀နှစ်သမီး ရောက်တာနဲ့ ဂေရှားမယ် အဖြစ် ရောင်းစားခံရတဲ့ နိုင်ငံမျိုး ရှိသလို၊ ယောက်ျား ရှာပေးစားပြီး ယောက်ျားအိမ်မှာ အခိုင်းအစေအဖြစ် နေရတဲ့ နိုင်ငံမျိုးတွေလည်းရှိပါတယ်။

သော့ကိုင်အမျိုးသမီး

မြန်မာ အမျိုးသမီးများကတော့ ရှေးပဝေသဏီ ကတည်းက အိမ်ထောင်စုရဲ့ အရေးပါတဲ့ “သော့ကိုင်” နေရာကို ရရှိခဲ့ကြတာ ဖြစ်ပါတယ်။ ယောက်ျားက ရသမျှ ငွေကို မိန်းမလက်ထဲ ထည့်လိုက်တာပါ။ မိန်းမကပဲ တစ်အိမ်ထောင်လုံးရဲ့ စားဝတ်နေရေး၊ သာရေးနာရေး၊ ရပ်ရေးရွာရေး အဖုံဖုံကို သင့်သလို စီမံခန့်ခွဲ သွားကြရပါတယ်။ တချို့ အမျိုးသမီးများ ကျတော့ ယောက်ျားတွေနဲ့ “ဒိုးတူပေါင်ဖက်” စီးပွားရှာတဲ့ အလုပ်တွေ လုပ်ကြပါတယ်။ မြို့ဖြစ်စေ၊ တောဖြစ်စေ ဈေးသည် မှန်သမျှ ဟင်းရွက်ကန်စွန်းက အစ အထည်အလိပ် အလယ်၊ ရွှေထည် စိန်ထည်အဆုံး အမျိုးသမီးများချည်း ဖြစ်ပါတယ်။ ဒီနေ့ ခေတ်တိုင်လည်း ဈေးသည် အများစုဟာ အမျိုးသမီးတွေပါပဲ။ ဒါတင်မကသေးပါဘူး။ ရှေးပဒေသရာဇ်ခေတ်တွေမှာ ကတည်းက အာရှနိုင်ငံတွေ သာမက ဥရောပနိုင်ငံတွေမှာပါ အမျိုးသမီးတွေ ပညာသင်ကြား ခွင့်မရလို့ ဘယ်မိန်းမမှ စာမတတ်ကြပါဘူး။ မြန်မာနိုင်ငံမှာတော့ ရပ်တိုင်း ရွာတိုင်းမှာ ရှိတဲ့ ဘုန်းကြီးကျောင်းတွေမှာ သားသမီးတွေ လွှတ်ပြီး “သြကာသနဲ့ နမက္ကာရ” ကစပြီး “နောဧကနောနဲ့ န၀ဒွေး”အထိ သင်ကြားတဲ့ ဓလေ့ စရိုက်ရှိတာကြောင့် တောခေါင်ခေါင်က အမယ်ကြီးအိုတွေတောင် နှစ်စောင်တွဲ စာအုပ်လောက်ကတော့ ဖတ်တတ်တာ ချည်းပါပဲ။

အယူအဆမှားတာတွေ

အဲဒီ ရှေးအစဉ်အလာတွေ အတိုင်း ဒီခေတ် အမျိုးသမီးများ စီးပွားရေး လုပ်ငန်းတွေကို စွမ်းစွမ်းတမံ ရှေ့တန်းက ဆောင်ရွက်နေကြတာများ ကြားသိ မြင်တွေ့ရတိုင်း ၀မ်းသာ ဂုဏ်ယူ နေမိပါတယ်။ ဒါပေမယ့်လို့ နှစ်ပေါင်းနှစ်ဆယ် အစိတ်လောက် ကောလိပ်ကျောင်းသား အရွယ် လူငယ်၊ လုံမငယ်တွေကို အင်္ဂလိပ်စကား သင်ကြားတဲ့ ဆရာ လုပ်လာခဲ့ရာမှာ တချို့တချို့သော ရှေးရိုး အစဉ်အလာ ဟောင်းများရဲ့ ဖိစီးမှုအောက်က ယောက်ျားလေး တွေရော မိန်းကလေး တွေပါ မလွတ် မကျွတ်နိုင်ကြ သေးတာတွေကို တွေ့မြင်ရပါတယ်။ အဲဒါကတော့ “ယောက်ျားဆိုတာ အိမ်ဦးနတ်”ဆိုတဲ့ အစဉ်အလာနဲ့ “ဗိုင်းကောင်းကျောက်ဖိ” ဆိုတဲ့ အယူအဆ အမှားများ ဖြစ်တယ်။

အိမ်ဦးနတ်

အယူအဆဟာ ဟိုရှေး ကျောက်ခေတ် ကာလ ယောက်ျားတွေ တောလိုက် မုဆိုးလုပ်ပြီး ရှာဖွေ ကျွေးမွေးတာကို တစ်အိမ်ထောင်လုံး မျှော်ကိုး စားသောက် နေရတဲ့ ခေတ်နဲ့တော့ ကိုက်ညီမှာပါ။ ဒီခေတ်လို အိမ်မှာ ရှိသမျှ အဖေရော အမေရော၊ သားသမီးတွေပါ အိမ်ရှိ လူကုန်ထွက် အလုပ်လုပ်တဲ့ ခေတ်နဲ့တော့ မအပ်စပ်တော့ပါဘူး။ နေကုန် နေခန်း အားလုံးပဲ ပင်ပင်ပန်းပန်း အလုပ် လုပ်ခဲ့ကြ ရတာ မဟုတ်လား။ အိမ်ရဲ့ နိစ္စဓူဝ တာဝန် မှန်သမျှကိုလည်း အိမ်သား အားလုံး ခွဲဝေ တာဝန် ယူကြရမှာပေါ့။ ဒါမှ မိသားစု အချင်းချင်း ချစ်ခင်ကြင်နာရာ ရောက်မှာပါ။ ဒါပေမယ့်လို့ အိမ်ထောင်စု တော်တော်များများမှာ အဲဒီလို သဘောထားပြီး ကျင့်သုံး လုပ်ဆောင်တာ တော်တော် နည်းပါးတာ တွေ့ရပါတယ်။ ခေတ်ပညာတတ် တွေသာ ဖြစ်ပေမယ့် ရှေးရိုး အယူအဆ များကိုတော့ မစွန့်နိုင်ကြပါဘူး။

မိန်းမတစ်ယောက်ရဲ့အလုပ်

မိသားစုတစ်ခုကိုပဲ နမူနာ ထားပြောပါမယ်။ မနက် စောစော ငါးနာရီ လောက်ဆို အိမ်ရှင်မက အိပ်ရာထရပါပြီ။ စောရင်သာ စောမယ်။ နောက်ကျလို့တော့ မဖြစ်ပါဘူး။ မျက်နှာလေး ကမန်းကတန်း သစ်ပြီး ဈေးကို ပြေးရပါတယ်။ ဈေးက ပြန်ရောက်တာနဲ့ ယောက်ျားနဲ့ သားသမီးများ အိပ်ရာက နိုးရင် စားသောက်ဖို့ မနက်စာ ပြင်ရပါတယ်။ အဲဒီ အချိန်အထိ ယောက်ျားက အိပ်ရာ မထသေးပါဘူး။ မိန်းမကတော့ မနက်စာပြင်ပြီးတာနဲ့ မီးမွှေးရ၊ ထမင်းအိုး တည်ရ လုပ်ပါတယ်။ မီးမွှေးရင်းပဲ မနက်စာကို အမြန် ပြီးစေလိုက်ရပါတယ်။ ထမင်းအိုးတည် ပြီးတာနဲ့ ဟင်းအိုး ဆက်ပြင် ရပါတယ်။ ဒါမှ ကလေးတွေ ကျောင်းသွား အမီ၊ လူကြီးတွေ ရုံးသွား အမီ ထမင်းချိုင့် အသင့် ဖြစ်နိုင်တာပါ။ မိန်းမ ထမင်းအိုးငှဲ့ပြီး ဟင်းအိုး မီးဖိုပေါ် ရောက်ချိန်ကျမှ ယောက်ျားက အိပ်ရာထပါတယ်။ မျက်နှာသစ် ပြီးတာနဲ့ လက်ဖက် ရည်စားပွဲမှာ ထိုင်ပြီး စားသောက်ပါမယ်။ ပြီးတော့ အိမ်ရှေ့ခန်းမှာ ဂျာနယ် ထိုင်ဖတ်ရင်ဖတ်၊ တီဗီထိုင် ကြည့်ရင် ကြည့်ပေါ့။ မိန်းမက ရေမိုးချိုးပြီးလို့ ထမင်းချိုင့်ပြင်သံကြားမှ သူက ရေထ ချိုးပါတယ်။ နောက်ဆုံး မိန်းမ အသင့်တည်တဲ့ ထမင်းချိုင့်လေး ဆွဲပြီး ရုံးသွားပါတယ်။ မိန်းမ ဈေးသွားနေခိုက်မှာ ရေနွေးအိုးလေး ဖြစ်စေ၊ ထမင်းအိုးလေး ဖြစ်စေ တည်ထားပေးတဲ့ ယောက်ျား ဘယ်နှစ်ယောက်များ တွေ့ဖူးပါသလဲ။

ဘာသိဘာသာ ယောက်ျားသား

ညနေကျတော့လည်း မိန်းမကသာ ရုံးဆင်းတာနဲ့ သုတ်သုတ် သုတ်သုတ်နဲ့ အိမ်ပြန်တာ။ အိမ်ပြန်တာတောင် ဖြောင့်ဖြောင့် ပြန်တာ မဟုတ်ဘူး။ ရုံးနားဝန်းကျင်မှာ ရောင်းလေ့ ရှိတဲ့ ဈေးသည်တွေဆီက ၀ယ်ရ ခြမ်းရ သေးတာ။ ဒါမှမဟုတ်လည်း ကလေးကျောင်း ကြိုတာ ဖြစ်ဖြစ် လုပ်ရသေးတာ။ အိမ်ပြန် ရောက်တာနဲ့ ရုံးက ပါလာတဲ့ ခြင်းကလေးချပြီး ချက်ရေး ပြုတ်ရေး လုပ်ရတော့တာပါ။ ယောက်ျား တွေကတော့ အိမ်ကို တန်းတန်းမတ်မတ် ပြန်ခဲပါတယ်။ မိတ်ဆွေတွေနဲ့ လက်ဖက်ရည်ဆိုင် ထိုင်တာ၊ အရက်ဆိုင် ၀င်တာ၊ ဒါမှမဟုတ် ဘောလုံးပွဲ သွားတာဆိုတာ မျိုးတွေ လုပ်လေ့ ရှိပြီး နေ၀င်မိုးချုပ်မှပဲ အိမ်ရောက်ကြတာ များပါတယ်။ အိမ်ရောက်ရင် ရေမိုးချိုးပြီး မိန်းမ အသင့် ပြင်ထားတဲ့ ထမင်းဝိုင်း ၀င်ထိုင်။ ပြီးတော့ တီဗီရှေ့ရောက်၊ ဒါမှမဟုတ် စာတစ်အုပ်နဲ့ ဘာသိဘာသာ နေလိုက်ပါတော့တယ်။ မိန်းမဖြစ်သူကတော့ တစ်အိမ်လုံး စားသောက်ထားတာတွေ ရှင်းလင်း ဆေးကြောပြီးမှ ရေမိုးချိုး ရပါတယ်။ ရေချိုးပြီးလို့ တီဗီရှေ့ အေးအေးဆေးဆေး ထိုင်ရပြီ မထင်နဲ့။ ကျောင်းသားတွေ ကျောင်းဝတ်ဖို့၊ ရုံးသမားတွေ ရုံးဝတ်ဖို့ မီးပူ တိုက်ရသေးတာ။ မီးပူ တိုက်ရင်း ကလေးတွေ စာသင်ဖို့ လိုရင် သင်ရပါသေးတယ်။

လင်ယောက်ျားအခွင့်အရေးလား

အိမ်မှုကိစ္စများကို ယောက်ျားတွေ မလုပ်ရဘူးလို့ ဘယ်ကျောင်း ဘယ်တက္ကသိုလ်ကမှ သင်မပေးလိုက်ပါဘူး။ ဒါပေမယ့် ယောက်ျားများ ကတော့ ဒါကိုပဲ“လင်ယောက်ျား အခွင့်အရေး” အဖြစ် ကုလသမဂ္ဂက ပြဋ္ဌာန်း ပေးထားတယ်လို့ ယူဆ ထားကြတယ် ထင်ပါရဲ့။ ဘယ်တော့မှ ကူလုပ်တယ် မရှိကြပါဘူး။ မိန်းမ နထိုင်မကောင်းဖြစ်တဲ့ အခါမျိုးမှာ မိန်းမရဲ့ အ၀တ်အစား လျှော်ပေးတဲ့ ယောက်ျား ဘယ်နှစ်ယောက် တွေ့ဖူးပါသလဲ။ အိမ်ကို ကြမ်းမှန်မှန် တိုက်ပေးတဲ့ ယောက်ျားမျိုးကော ရှိပါရဲ့လား။ ရှိတယ်ဆိုလည်း တစ်ယောက်စ နှစ်ယောက်စ ဖြစ်ပါလိမ့်မယ်။ အများစုကတော့ အိမ်ဦးနတ်ဆိုပြီး အိမ်ရှေ့ခန်းမှာ မိန့်မိန့်ကြီး ထိုင်နေကြတာ ချည်းပါပဲ။ အိမ်ဦးနတ်ဆိုတာ အိမ်ထောင်စု အတွက် အဓိကငွေရှာသူ (Bread Winner) ဖြစ်တယ်ဆိုရင် မိန်းမတွေက ငွေရှာပေးနေရင် မိန်းမတွေကိုလည်း အိမ်ဦးနတ်လို့ မသတ်မှတ် သင့်ဘူးလား။

မိအေးနှစ်ခါနာ

အခုတော့ မိန်းမတွေဟာ အလုပ်တွေ ဘယ်လောက် လုပ်လုပ်၊ ငွေတွေ ဘယ်လောက် ရှာရှာ၊ အိမ်ဦးခန်းမှာ မိန့်မိန့်ကြီး ထိုင်နိုင်ဖို့ ဝေးစွ၊ အိမ်သာထဲတောင် စိတ်ဖြောင့်ဖြောင့် ၀င်နိုင် ရှာကြတာ မဟုတ်ပါဘူး။ အိမ်ရှင်မ၊ အိမ်ရှင်မလို့သာ ခေါ်နေကြတာ တကယ်တော့ ဒီခေတ်မိန်းမ များဟာ အိမ်သာကိုတောင် ပိုင်စိုးနိုင်ခြင်း မရှိပါဘူး။ စကားလုံး ကြမ်းတာကို ခွင့်လွှတ်ကြပါ။ ဒီခေတ် မိန်းမသားများဟာ တကယ်တော့ “ဂုဏ်ထူးဆောင် အိမ်ဖော်မကြီး”တွေ သာသာပါပဲ။ အိမ်အကူတို့၊ အိမ်ဖော်တို့ကမှ စားပြီးသောက်ပြီး လခ အသားတင် ရကြသေးတယ်။ အိမ်ရှင်မခေါ် အိမ်ဖော်တွေကတော့ လခတစ်ပြားမှ မရတဲ့ စေတနာ့ ၀န်ထမ်းမို့ “ဂုဏ်ထူးဆောင် အိမ်ဖော်မကြီး”လို့ ခေါ်လိုက်တာပါ။ သူတို့ ခမျာမှာ အိမ်ဖော်အလုပ် မှန်သမျှ သိမ်းကြုံး လုပ်ရတဲ့ အတွက် ပိုက်ဆံ မရရုံသာမက ကိုယ်ကတောင် ပိုက်ဆံ ရှာပြီး ပေးရပါသေးတယ်။ တကယ့်ကို မိအေး နှစ်ခါနာဘ၀ပါ။ ဒီဘ၀က လွတ်မြောက်ဖို့ အတွက်ဆိုရင် ယောက်ျားတွေရဲ့ အတွေးအခေါ်တွေကို ပြုပြင်ရုံ တစ်ခုတည်းနဲ့ မရပါဘူး။ မိန်းမတွေပါ ပြုပြင်ဖို့ လိုပါတယ်။ တချို့ အမျိုးသမီးများက မိအေးနှစ်ခါနာ ဖြစ်ရတာဟာ ကံမကောင်း အကြောင်း မလှလို့ မိန်းမ ဖြစ်လာရခြင်းရဲ့ မရှောင် လွှဲနိုင်တဲ့ အဖြစ်ပဲလို့ သဘောပိုက်ပြီး “ဂုဏ်ထူးဆောင် အိမ်ဖော်မကြီး” အဖြစ်နေရတဲ့ ဘ၀ကိုပဲ ကျေကျေနပ်နပ် လက်ခံနေကြပါတော့တယ်။ အမျိုးသမီးတွေ ကိုယ်တိုင်က လက်ခံနေသရွေ့တော့ ဘယ်လိုမှ ပြောင်းလဲသွားမှာ မဟုတ်ပါဘူး။ မိအေးနှစ်ခါနာ မဖြစ်ချင်ရင် အမျိုးသမီးတွေ ကိုယ်တိုင် အတွေးအခေါ်တွေ ပြောင်းလဲပစ်ဖို့ လိုပါတယ်။

ယောက်ျားကောင်းရရေး

ဒီလို အမျိုးသမီး မိအေးနှစ်ခါ ဖြစ်ရတဲ့ အကြောင်း များစွာထဲမှာ ရှေးအစဉ် အဆက်က လက်ကိုင်ပြုခဲ့ကြတဲ့ “ဗိုင်းကောင်းကျောက်ဖိ” အယူအဆလည်း အဓိကနေရာက ပါမယ် ထင်ပါတယ်။ ရှေးပဝေသဏီကတော့ အထက်မှာ ရေးခဲ့သလိုပဲ အမျိုးသမီးတွေ အိမ်ပြင် ထွက်ပြီး ပိုက်ဆံရှာဖို့ မလိုကြဘူးလေ။ ဒီတော့ အိမ်မှာပဲ နေပြီး “အိမ်တွင်းမှုလုပ် သိမ်းထုပ်သေချာ” နေကြရတာပေါ့။ အဲဒီခေတ် အခါကတော့ မိန်းမတိုင်း အဖို့ အရေးကြီးဆုံး လိုအပ်ချက်ဟာ တစ်သက်လုံး မှီခို အားကိုးနိုင်တဲ့ “ယောက်ျားကောင်း” ရရှိရေး ဖြစ်တယ်။ ဒီတော့ ယောက်ျားများ အကြိုက် အချက်အပြုတ်၊ အချုပ်အလုပ်၊ ဇာထိုးပန်းထိုးစတဲ့ အိမ်တွင်းမှု အလုပ်တွေ ကျွမ်းကျင် တတ်မြောက်ပြီး “စီးတဲ့ရေ ဆည်တဲ့ကန်သင်း” လုပ်နိုင်ဖို့ လိုပါတယ်။သမီး မိန်းကလေးများကို အဲဒီ အရည်အချင်းတွေနဲ့ ပြည့်စုံအောင် မိခင်များက ရင်အုပ်မကွာ ထားပြီး သင်ကြားပေးကြပါတယ်။ အဲဒီလို အိမ်တွင်းမှု ပညာတွေသာမက သွားတာ လာတာ နေတာ ထိုင်တာ ပြောတာ ဆိုတာက အစ လူတကာ ချီးမွမ်းလောက်အောင်ဖြစ်ဖို့ သွန်သင် ဆုံးမကြပါတယ်။ “ခြေတစ်လှမ်း ကုဋေတစ်သန်း” တို့၊ “ဗိုင်းကောင်း ကျောက်ဖိ”တို့၊ “ယောက်ျားတို့ ဘုန်းလက်ရုံး၊ မိန်းမတို့ ဘုန်းဆံထုံး” တို့ဆိုတဲ့ စကားတွေဟာ အဲဒီခေတ်အခါက အမေတိုင်းရဲ့ လက်သုံးစကား ဖြစ်ပါတယ်။

ပြားပြားဝပ်စိတ်ဓာတ်

အခုတောင် တချို့အမေများက အဲဒီ အတိုင်း သမီးများကို သွန်သင်ဆုံးမတာတွေ ရှိနေပါသေးတယ်။ အဲဒီတော့ ဘာဖြစ် လာသလဲ ဆိုတော့ မန္တလေးကို အလုပ်ပြောင်းရတာ ကိုတစ်ယောက်တည်း မသွားရဲတဲ့ တက္ကသိုလ် ဆရာမ၊ စစ်တွေကို ပြောင်းရလို့ ဆိုပြီး အလုပ်က ထွက်လိုက်တဲ့ ဆရာဝန်မ၊ ရေလမ်းမို့ စိတ်မချလို့ ဆိုပြီး အမေက မလွှတ်လို့ တစ်ကျောင်းလုံး သန်လျင် အပျော်ခရီးထွက်တာ မလိုက်ရတဲ့ တက္ကသိုလ် ကျောင်းသူ ဆိုတာမျိုးတွေ ကျောင်းဆရာလုပ်နေတုန်းက အများကြီး တွေ့ခဲ့ရပါတယ်။ ယဉ်ကျေး နူးညံ့ သိမ်မွေ့တာ ကောင်းပါတယ်။ ဒါပေမယ့် သိမ်မွေ့လွန်ပြီး လူတော မတိုးရဲတာကတော့ မကောင်းပါဘူး။ ဒီခေတ်ကြီးက မိန်းကလေးတွေလည်း ဘတ်စ်ကားတိုးစီးပြီး ကျောင်းသွား အလုပ်သွားလုပ်ကြရတာ မဟုတ်လား။ ခြေတစ်လှမ်း ကုဋေတစ်သန်း လုပ်နေလို့ ဘယ်ဖြစ်မှာလဲ။ ဗိုင်းကောင်းစေဖို့ ကျောက်ဖိတာဆိုပေမယ့် အဖိလွန်ရင်တော့ ပြားသွားပါလိမ့်မယ်။ ပြားပြားဝပ် စိတ်ဓာတ်မျိုးနဲ့ ကမ္ဘာကို ရင်ဘောင်တန်းဖို့ ဘယ်လိုလုပ် ဖြစ်မှာလဲ။

ကမ္ဘာတစ်ဝက်ရွက်ထားသူ

ကမ္ဘာကြီးရဲ့ လူဦးရေ ထက်ဝက်ဟာ အမျိုးသမီးတွေ ဖြစ်တယ်။ အမျိုးသမီးတွေရဲ့ လုပ်အား မပါဘဲနဲ့ ကမ္ဘာကြီးဟာ ပုံမှန် လည်ပတ် မနေနိုင်ပါဘူး။ “အားနွဲ့တဲ့ မိန်းမ သား” ဆိုတဲ့ စိတ်ဓာတ်ကို အမျိုးသမီးများကိုယ်တိုင်က ဖျောက်ပစ်ဖို့ လိုပါ တယ်။ အမျိုးသမီးတွေလည်း လပေါ်တက်နေတဲ့ ခေတ်မှာ မိန်းမဆိုတာ ယောက်ျားတွေရဲ့ အလုပ်အကျွေး မဟုတ်တော့ပါဘူး။ ဒါကြောင့် အိမ်ဖော်တစ်ယောက်လို ယောက်ျားတွေ အလိုကျ ပြုစုပေးဖို့ မလိုပါဘူး။ “မောင်တစ်ထမ်း မယ်တစ်ရွက်” ဆိုတဲ့ ရှေးမြန်မာ စကားအတိုင်း တာဝန် မှန်သမျှ ယောက်ျား မိန်းမအတူ ခွဲဝေ ထမ်းဆောင်ကြရမှာပါ။ ယောက်ျားတွေကလည်း “အိမ်ဦး နတ်ကြီး” နေရာက နေပြီး ”ပေါ်ကြော့” နေချင်တဲ့ စိတ်ဓာတ်ကို ဖျောက်ပစ်ဖို့ လိုပါတယ်။ အမျိုးသမီးတွေဟာ ကမ္ဘာတစ်ဝက်ကို ထမ်းရွက်ထားသူတွေ ဖြစ်တယ်ဆိုတဲ့ အချက်ကို မေ့မထားကြဖို့ လိုကြောင်း သတိပေး နှိုးဆော်လိုက်ပါတယ်။

လူထုစိန်ဝင်း

အော်ပီကျယ်၏ သူနှင့်သူမ ကာတွန်းများ

မြန်မာ ကာတွန်း ဆရာ အော်ပီကျယ် သည် မြန်မာ့ လူမှု အသိုင်းအ၀ိုင်း အတွင်း အမျိုးသမီး နှင့် အမျိုးသား ၏ ယေဘုယျ ပြုမူ နေထိုင် ကျင့်ကြံ ပုံကို ဟာသ မြောက် စွာ ရေးဆွဲ တင်ဆက်ထား ပါသည်။ ဖတ်ရင်း ဖတ်ရင်း ကျမ တစ်ယောက်တည်း သဘောကျစွာ ပြုံးနေမိသည်။ ရေးဆွဲသူသည် မြန်မာ ဖြစ်သည့် အားလျော်စွာ မြန်မာ့ ယဉ်ကျေးမှု ရေမြေ သဘာဝနှင့် အညီ အခြေပြု၍ ရသမြောက်စွာ ရေးဆွဲထား သည်ကို လည်း တွေ့ရ ပါသည်။ ဤ ကာတွန်းကို ဖတ်ကြည့်ခြင်း အားဖြင့် ကျမတို့ မြန်မာ အမျိုးသမီး နှင့် အမျိုးသားများ ၏ ပြုမူ နေထိုင် ဆောင်ရွက်ပုံကို အခြား တိုင်းတပါးများ နှင့် မတူကြောင်း ကိုလည်း ချိန်ထိုးနှိုင်းဆ နိုင်ပါသည်။ အမိအိမ်နှင့် ဝေးနေသော သူတိုင်း ကာတွန်းကို ဖတ်၍ တစုံတရာ လွမ်းနေ လိမ့်မည်ဟု ကျမ ထင်မြင်မိ ပါသည်။

မြန်မာနိုင်ငံနှင့် ပတ်သက်၍ လူမှုလိင် (Gender) အကြောင်း လေ့လာချင်သော သူများအတွက် တစုံတရာ အကျိုးရှိ လိမ့်မည်ဟု ယုံကြည်မိ ပါသည်။ ပေးပို့လာသော ဒေါက်တာစန်းထွန်းအား အထူးကျေးဇူးတင်ရှိ ပါသည်။

cartoonapk-thu-and-thuma

နိုဘယ်လ် ငြိမ်းချမ်းရေးဆုရှင် အမျိုးသမီးများ

ကျောင်းတဖက်တက်ရင်း အားတဲ့အချိန်မှာဆိုရင် ကျမတာဝန်ကျတဲ့ International Studies Department မှာ အလုပ်လုပ်ရပါတယ်။ semester တစ်ခုမှာ နာရီ ရ၀ လုပ်ရပါတယ်။ အလုပ်လုပ်ရင်း လုပ်စရာမရှိလို့ နားနေတဲ့အချိန်မှာ ရုံးခန်းက စာအုပ်စင်လေးကို မျက်စိကစားကြည့်လိုက်တယ်။ ဒါနဲ့ Pananaw လို့အမည်ရတဲ့ newsletter လေးကို ကောက်ကိုင် ကြည့်လိုက်တော့ UP (The University of the Philippines Center for Women Studies) က ထုတ်ဝေထားတဲ့ newsletter တစ်စောင်ဖြစ်နေတယ်။

ငြိမ်းချမ်းရေးဆုတံဆိပ်ကြီး

စာအုပ်လေးကို လှန်လှောကြည့်လိုက်တဲ့အခါ ၂၀၀၅ ခုနှစ် ငြိမ်းချမ်းရေး ဆုရှင် အဖြစ် တကမ္ဘာလုံးမှာ ရှိတဲ့ အမျိုးသမီး အယောက် ၁၀၀၀ကို ယာထားတဲ့ အကြောင်း အရာပဲ ဖြစ်ပါတယ်။ အဲဒီ အထဲက Philippines က အမျိုးသမီး ၂၇ ယောက် ပါဝင်တဲ့ အတွက် ဂုဏ်ယူစွာ အသားပေး ထုတ်ဖော် ရေးသား ထားတာကို တွေ့ရပါတယ်။ ဒါနဲ့ ကျမ နည်းနည်း စိတ်ဝင်စားသွားတယ်။ ရှေ့လျောက် သွက်သွက်ကလေး ဖတ်နေမိတယ်။ မြန်မာပြည်က အမျိုးသမီးရော ဘယ်နှစ်ယောက် ပါမလဲဆိုတဲ့ သိချင်ဇောနဲ့ပေါ့။ ၀မ်းနည်းစွာနဲ့ပဲ အဲဒီ ဖော်ပြထားတဲ့ စာရင်းမှာ မတွေ့ခဲ့ရပါဘူး။ မြန်မာပြည်က အမျိုးသမီးလည်း ပါဝင်ကောင်း ပါဝင်ပါလိမ့်မယ်။ သူတို့ ဖော်ပြဖို့အတွက် နေရာမဆန့်လို့လည်း ဖြစ်ပါလိမ့်မယ်။ နိုင်ငံပေါင်း ၁၅၀ ထက် မနည်းဘူး ဆိုတော့ နိုင်ငံ အားလုံး ကိုတော့ ဘယ် ဖော်ပြနိုင်မလဲနော်။

ဒါပေမယ့်လဲ ၁၉၀၁ ကနေ ၂၀၀၄ ခုနှစ်အထိ ငြိမ်းချမ်းရေးဆုကို ဆွတ်ခူးခဲ့တဲ့ အမျိုးသမီး အကြောင်းတွေကို ခုနှစ် အလိုက် လူနာမည် နဲ့ သူတို့ ဘာအတွက် ရရှိခဲ့တာလဲ ဆိုတာကို အတိုချုံး ဖော်ပြထားတာကို တွေ့ရပါတယ်။ ဒေါ်အောင်ဆန်းစုကြည် ပါခဲ့တာကို တွေ့ရပါတယ်။ ကျမ မြန်မာ အမျိုးသမီး တစ်ဦးအနေနဲ့ အင်မတန်ပဲ ၀မ်းသာ ဂုဏ်ယူမိပါတယ်။

ဒီတော့ ဖတ်ရင်းနဲ့ အတွေးတစ်ခု ၀င်လာတာက ဘာဖြစ်လို့ အမျိုးသမီး အယောက် ၁၀၀၀ ကို ငြိမ်းချမ်းရေးဆု ပေးဖို့ ယာယီ စာရင်း တင်သွင်းတဲ့ project ကို လုပ်ရတာလဲလို့။ ဒါနဲ့ အဲဒီ အဖြေကို တွေ့သွားတယ်။ ဒီတော့ ဖတ်မိသမျှ အထဲက ဗဟုသုတ ရမယ်ထင်တဲ့ အရာလေး တစိတ် တပိုင်းကို ဘာသာပြန်ပြီး အောက်ပါအတိုင်းပဲ တတ်စွမ်းသမျှ ရေးသားလိုက်ရပါတော့တယ်။

ဘာဖြစ်လို့ အမျိုးသမီး အယောက် ၁၀၀၀ ကို ငြိမ်းချမ်းရေးဆုပေးဖို့ ယာယီစာရင်း တင်သွင်းတဲ့ project လုပ်ရတာလဲ?

project လှုပ်ရှားမှုအတွက် အမှတ်တံဆိပ်

အဲဒီ project ကို ၂၀၀၃ ခုနှစ်မှာ Maren Haartie နဲ့ Dr. Ruth-Gaby Vermot-Magnold တို့က စတင်တည်ထောင်ခဲ့ပါတယ်။ Maren Haartie ကတော့ (Swiss Peace) ဆွစ် ငြိမ်းချမ်းရေး အဖွဲ့မှ ဖြစ်ပြီး Dr. Ruth-Gaby Vermot-Magnold ကတော့ ဥရောပကောင်စီ (Council of Europe) နှင့် ဆွစ် ပါလီမန် ကောင်စီက အဖွဲ့ဝင် တစ်ယောက်ဖြစ်ပါတယ်။ ဒီ project မှာ Dr က ဥက္ကဌ နေရာကနေ တာဝန်ယူ ထမ်းဆောင်ခဲ့ပါတယ်။

Dr. Ruth-Gaby Vermot-Magnold

Dr ဟာ ဥရောပကောင်စီ အဖွဲ့ဝင် တစ်ယောက် ဖြစ်သည့် အားလျော်စွာ ပဋိပက္ခနှင့် စစ်ဖြစ်ပွားရာ နေရာဒေသ တွေမှာရှိတဲ့ ဒုက္ခသည်စခန်းတွေကို အလည်သွားရောက်ခဲ့ပါတယ်။ အဲဒီမှာက သူဘာတွေကို တွေ့ရှိခဲ့သလဲ ဆိုတော့ အမျိုးသမီးတွေဟာ အဲဒီလို အင်မတန် အန္တရာယ်များလှတဲ့ ပတ်ဝန်းကျင်မှာ ငြိမ်းချမ်းရေးနဲ့ ပြန်လည် တည်ဆောက်တဲ့ အလုပ်ကို လုပ်ဆောင်နေတာပါပဲ။ ဒီ အမျိုးသမီးတွေဟာ သူတို့မှာ ရှိနေတဲ့ သတ္တိနှင့်အတူ အန္တရာယ် ကျရောက်လာမယ့် ဘေးကို ထည့်မတွေးဘဲ ငြိမ်းချမ်းရေးကို လိုလား တောင်းဆို နေတာပါပဲ။ သူတို့တွေဟာ ငြိမ်းချမ်းရေး တည်ဆောက်မယ့် သူတွေပဲ ဆိုတာ သူလက်တွေ့ကျကျ မြင်တွေ့ ခဲ့ရပါတယ်။ ဒါဟာ သူ ဒီ project ကို ဖွဲ့စည်း တည်ထောင်ဖို့ အတွက် ပထမဦးဆုံး တွန်အားလို့ ဆိုရပါမယ်။ ဒုတိယတွန်းအားကတော့ ၁၉၀၁ ခုနှစ်ကနေ စပြီး ငြိမ်းချမ်းရေး ဆုရှင်တွေကို ရေတွက် ကြည့်လိုက်ရင် အမျိုးသား ဦးရေက ၈၀ ရှိပြီး အမျိုးသမီး ဦးရေ ကတော့ ၁၂ ပဲ ရှိပါသေးတယ်။ အဲဒါကို သူကြည့်ပြီး တဖြည်းဖြည်းနဲ့ ဒီ project ကို တည်ထောင် ချင်တဲ့ စိတ်တွေ တဖွားဖွား ပေါ်လာခဲ့ရပါတယ်။

အဲဒီ ငြိမ်းချမ်းရေးဆုရှင် အမျိုးသမီး ၁၂ နှစ်ယောက်က ဘယ်သူတွေလဲ?
အဲဒီအမျိုးသမီး ၁၂ နှစ်ယောက်ကတော့.......

၁။ ၁၉၀၅ - သြစတြီးယားနိုင်ငံက Bertha Von Suttner
အပြည်ပြည်ဆိုင်ရာ အမြဲတမ်း ငြိမ်းချမ်းရေး ရုံး မှာ ဥက္ကဌအဖြစ် အလုပ်လုပ်ခဲ့စဉ် သူမရဲ့ အလုပ်အတွက် ဂုဏ်ပြုသော အနေဖြင့်

၂။ ၁၉၃၁ - အမေရိကန်နိုင်ငံက Jane Addams
ငြိမ်းချမ်းရေးနှင့် လွတ်လပ်ရေးအတွက် အပြည်ပြည်ဆိုင်ရာ အမျိုးသမီးများ သမဂ္ဂတွင် ဥက္ကဌအဖြစ် အလုပ်လုပ်စဉ် ရရှိခဲ့သောဆု

၃။ ၁၉၄၆ - အမေရိကန်နိုင်ငံက Emily Greene Balch
ငြိမ်းချမ်းရေးနှင့် လွတ်လပ်ရေးအတွက် အပြည်ပြည်ဆိုင်ရာ အမျိုးသမီးများ သမဂ္ဂတွင် ဥက္ကဌအဖြစ် အလုပ်လုပ်စဉ် ရရှိသောဆု

၎။ ၁၉၇၆ - ဗြိတိန်နိုင်ငံက Betty Williams
အိုင်ယာလန်မြောက်ပိုင်း ငြိမ်းချမ်းရေး လှုပ်ရှားမှုအဖွဲ့ကို တည်ထောင်သူအဖြစ်
ဂုဏ်ပြုသောအားဖြင့်

၅။ ၁၉၇၆ - ဗြိတိန်နိုင်ငံက Mairead Corrigan
အိုင်ယာလန်မြောက်ပိုင်း ငြိမ်းချမ်းရေး လှုပ်ရှားမှုအဖွဲ့ကို တည်ထောင်သူအဖြစ်
ဂုဏ်ပြုသောအားဖြင့်

၆။ ၁၉၇၉ - အိန္ဒိယနိုင်ငံက Mother Theresa
သာသနာပြု နှင့် လူမှုအကျိုးပြု လုပ်ငန်းအတွက် ဂုဏ်ပြုသောအားဖြင့်

၇။ ၁၉၈၂ - ဆွီဒင်နိုင်ငံက Alva Myrdal
ဆွီဒင်နိုင်ငံ ဆိုရှယ် ဒီမိုကရက် ပါတီတွင် အထင်ကရ အဖွဲ့ဝင်ပုဂ္ဂိုလ်ဖြစ်ပြီး
နိုင်ငံတစ်နိုင်ငံတွင် လက်နက်များ လျော့ချရေးအစီအစဉ်ကို လှုပ်ရှားဆောင်ရွက်သူအဖြစ်
ဆု ချီးမြှင့်ခံရသူ

၈။ ၁၉၉၁ - မြန်မာနိုင်ငံက ဒေါ်အောင်ဆန်းစုကြည်
သူမရဲ့ အကြမ်းမဖက်သောနည်းဖြင့် ဒီမိုကရေစီ နှင့် လူ့အခွင့်အရေး အတွက် ကြိုးပမ်းလှုပ်ရှားမှုအား ဂုဏ်ပြုသော အနေဖြင့်

၉။ ၁၉၉၂ - ကွာတာမာလာနိုင်ငံက Rigoberta Menchu Tum
တိုင်းရင်းသားလူမျိုးစုများ၏ အခွင့်အရေးများအား လေးစားတန်ဖိုးမှုအပေါ်တွင် အခြေတည်၍ တရားမျှတမှုရှိရေး နှင့် တိုင်းရင်းသားလူမျိုးစုများ ယဉ်ကျေးမှုကို ပြန်လည်ရင်ကြားစေ့ရေး အတွက် သူမရဲ့ လုပ်ဆောင်မှုကို အသိအမှတ်ပြုသောအားဖြင့်

၁၀။ ၁၉၉၇ - အမေရိကန်နိုင်ငံက Jody Williams
အပြည်ပြည်ဆိုင်ရာ မြေမြှုပ်မိုင်းများ တားမြစ်သော လှုပ်ရှားမှုအဖွဲ့တွင်
ပါဝင်ဆောင်ရွက်ခြင်း
မြေမြှုပ်မိုင်းများ ရှင်းလင်းခြင်းနှင့် တားမြစ်ခြင်းတွင်
ပါဝင်ခဲ့သော သူမရဲ့ လုပ်ဆောင်မှုအတွက်

၁၁။ ၂၀၀၃ - အီရန်နိုင်ငံက Shirin Ebadi
သူမရဲ့ ဒီမိုကရေစီ နှင့် လူ့အခွင့်အရေး အတွက် ကြိုးပမ်းလှုပ်ရှားမှုအား ဂုဏ်ပြုသော အနေဖြင့်
အထူးသဖြင့် အမျိုးသမီး နှင့် ကလေးသူငယ် အခွင့်အရေးအတွက် သူမရဲ့ ကြိုးပမ်းလှုပ်ရှားမှု

၁၂။ ၂၀၀၄ - ကင်ညာနိုင်ငံက Wangari Maathai
သဘာဝပတ်ဝန်းကျင်ဆိုင်ရာ ထိန်းသိမ်းခြင်း၊ ငြိမ်းချမ်းရေး နှင့် ဒီမိုကရေစီအရေး လှုပ်ရှားမှုအတွက် တတပ်တအား ပါဝင်ခြင်းအပေါ် ဂုဏ်ပြုသော အားဖြင့်

Source: Pananaw, The Official Newsletter of the University of the Philippines Center for Women's Studies, Vol XV No.2, ISSN 0115 9844